Posted by: ammiemoon | June 8, 2010

Skryf alles neer

Bloei.
Bevlek die goudglans van
swanger ruimtes met dit
wat vir die ontblote oog
gesluier is.

Lei my deur woorde
na jou
na jy
na die rede waarom jy alomteenwoordig is
binne my.

Rol ou perkament oop,
gegeur met monnikshande se heilige vat,
gebed-deurweek en broos.
Slegs ontvanklik vir bloubloed ink
om kalligrafie griffels te pen
tot behoud van ‘n nageslag.

Skryf jou naam,
elke betekenis en afleiding daarvan.
Jou van.
Lê jou stamboek uit.
Elke stamvader in jou voorgeslag,
want iewers moes een jou in ‘n droom gesien het
en geweet het jy sou rooi spore trap
in ‘n vrou se hart.

Vertel wat maak nag donker vir jou,
hoe lyk die buitelyne wat jou skaduwee bymekaar hou ?

Teken die prente in jou kop,
dit wat jy sien as jy soms stil na my staar.

Pen jou drome,
want as jy loom
glip jy weg na onbekende plekke
tussen wakker en slaap,
is ek huiwerig om met bleek vingers
aan die kleur van jou nag-asem te raak.

Skryf alles neer.
Skryf jou neer.
Rol dan versigtig die perkament
en bind dit met rouleer rieme.
Los vir my ‘n nota waar ek dit kan vind.

Wanneer ek in die volgende eeu
ontwaak
wil ek jou lees,
jou ken,
….wil ek die nag onthou
toe die maan my
vir jou gebaar het.

© 2010 Almarie Truter

Advertisements

Responses

  1. Hallo Almarie.

    Ek stem saam met Chris se kritiek. Dit is ‘n intens emosionele gedig wat die leser dwing om verder te lees tot die sterk einde.

    Ek dink die gedig kan verder versterk word deur te verkort. Daar is baie mooi beelde en segging in die gedig, maar mens kry die idee dat sekere dinge herhaal word, op ‘n effens ander manier.

    Ek raai jou aan om aandagtig na die gedig te kyk en te probeer om te sê wat jy wil sê met die absolute minimum woorde. Ek belowe jou die gedig sal daarby baat 🙂

    Nog ‘n klein dingetjie: die beklemtoning van JOU met behulp van hoofletters steur. Tipografies is dit krapperig. Ek stel voor jy gebruik eerder “jóú”.

    Voorspoed!

  2. Dinges Chris!…..en toe val die vers soos ‘n meetsnoer in plek nadat ek die eerste strofe verskuif het.

    Baie dankie vir hierdie waardevolle aanbeveling. Ek waardeer dit opreg!

    ammiemoon

  3. Hello ammiemoon, welkom by Verskrit.

    Ek hou baie van die verteller se stem in hierdie gedig, en hoe die perkament stadig vir die leser uitgerol word – net soos een van Griffel se skilderye.

    Ek dink die beeld in die tweede vers is veral good hanteer, en sou eintlik aanbevaal dat jy dink daaraan om miskien die gedig hier te begin, en die huidige eerste vers verder af te skuyf:

    Bloei nou.
    Bevlek die gouglans van
    swanger ruimtes met dit
    wat vir die ontblote oog
    gesluier is.

    Die pouses tussen party van die lyne het my effens bekommer, maar miskien is dit net omdat my Afrikaans nie baie goed is nie, en my gedigte altyd in Engels geskryf is (verskoon asseblief my slegte Afrikaans).

    Dankie dat jy die gedig hier gepos het, ek sien uit daarna om nog van you werk te lees.

    Groete,

    Chris


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: